Ish-zv.kryeministri Arben Ahmetaj dhe partnerja e tij Eriola Hoxha kanë depozituar në Gjykatën Europiane për të Drejtat e Njeriut një padi kundër shtetit shqiptar. Padia lidhet me kontrollet e ushtruara ndaj tyre dhe sekuestrimin e telefonit, në bazë të një vendimi të GJKKO të lëshuar më 8 mars.
Disa nga pyetjet që shtrohen padi janë nëse ka pasur shkelje gjatë kontrollit të banesës, dhe a kanë qenë ato në përputhje me nenin që garanton imunitetin e deputetëve. Po ashtu një pyetje që shtrohet është: A i kanë ofruar legjislacioni dhe praktika kombëtare kërkuesve mjete procedurale të përshtatshme për të kundërshtuar ligjshmërinë e urdhrit të kontrollit.
Gjithashtu GJEDNJ fton qeverinë të “paraqesë jurisprudencën përkatëse dhe shembuj të shqyrtimit nga gjykatat më të larta të ankesave të ngjashme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
