Gjykata e Lartë shqyrtoi procesin në ngarkim të deputetit socialist i cili akuzohet për plagosje me armë zjarri, armëmbajtje pa leje dhe për kasnosje me armë
Prokuroria e krimeve të rënda ka paraqitur prova kundër deputetit socialist, Armando Prenga lidhur me konfliktin me armë që ai pati pak muaj më parë me familjen Cali. Në Gjykatën e Lartë u zhvillua sot seanca e radhës ndaj deputetit Armando Prenga.
“Është e vërtetuar se i pandehuri ka patur edhe një armë pa leje”, thekson Prokuroria. Gjykata e lartë vendosi sot që në seancën e ardhshme që do të zhvillohet më 21 Mars, të nisë pyetja e dëshmitarëve. Gjithashtu kjo gjykatë vendosi pak ditë më parë të ulë masën e sigurisë nga arrest shtëpie në detyrim paraqitje për deputetin Armando Prenga.
Prenga akuzohet për tre plagosje të lehta dhe për katër kanosje me armë ndaj pjestarëve të familjes Cali. Në shtatorin e vitit që shkoi, deputeti socilaist Armando Prenga u përplas me armë me familjen Cali në Patok, për shkak të mosmarrëveshjeve për Lagunën e Patokut. Për shkak të mosmarrëveshjeve, Armando Prenga, qëlloi me armë zjarri në ambjentet e Komisariatit të Kurbinit, në momentin kur ishin duke denoncuar në polici pjestarët e familjes Cali. Gjatë përplasjes u plagosen tre pjestarë të kësaj familjeje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
