Pas 9 ditësh, gjenden të gjallë 12 djemtë e zhdukur në një shpellë në Tajlandë

Të gjithë djem dhe trajneri i tyre i futbollit janë gjetur të gjallë pas nëntë ditësh kërkimi në shpellën e Tajlandës, tha guvernatori rajonal.

Skuadra e kërkim-shpëtimit i ka gjetur të gjallë, pasi rezultonin të zhdukur prej 9 ditësh.

Të gjithë janë të sigurt, konfirmoi Narongsak Osottanakorn, duke folur pas një operacioni kërkimi në shpellën “Tham Luang Nang Non”.

Ata u zbuluan nga forcat speciale detare, tha ai.

Djemtë, nga 11-16 vjeç, janë pjesë e të njëjtës skuadër futbolli, e së bashku me trajnerin e tyre kishin shkuar për të eksploruar shpellën e ndërlikuar ku janë bllokuar pasi janë zënë në befasi nga një vërshim i papritur uji.

Punonjësve vendas të emergjencës u kanë ardhur në ndihmë edhe dy ekspertë britanikë, të cilët mendojnë se kalimi nga tunelet e sipërme duket më premtues, pasi kalimet poshtë janë bllokuar nga ujërat e përmbytjeve.

Ekipet e shpëtimit kishin shpresuar se do të gjenin të sigurt në një dhomë të nëndheshme djemtë, ndërsa gjendja e tyre kaplonte vendin dita ditës duke shtuar më shumë kërkimet e zonës dhe mbështetjen e tyre.

Guvernatori tha se ata do të vazhdojnë të nxjerrin ujin nga shpella ndërsa dërgojnë mjekë dhe infermierë të zhyten në shpellë për të kontrolluar shëndetin e djemve dhe trajnerit të tyre.