Qeveria shqiptare ka zyrtarizuar propozimin për kreun e AMF-së, post të cilin deri para pak ditësh e mbante Enkeleda Shehi e cila u shkarkua nga Kuvendi.
Në mbledhjen e sotme të Këshillit të Ministrave, Qeveria ka propozuar ish-deputetin Ervin Koçi si anëtar të Bordit të Autoritetit të Mbikqyrjes Financiare, që do të mbajë dhe funksionion e Drejtorit të Përgjithshëm të Autoritetit për periudhën e mbetur deri në mbarim të mandatit të filluar nga Shehi.
Koçi dha dorëheqjen si deputet në Kuvendin e Shqipërisë për të marrë detyrën e re.
Kandidatura e tij do të votohet seancën e nesërme plenare. / ORA /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
