Uashingtoni: Moska do t’i ofrojë Koresë Veriore ushqim, në këmbim të armëve

Rusia do ta dërgojë një delegacion në Korenë Veriore, për të ofruar ushqim, në këmbim të armëve, bën me dije SHBA.

Zëdhënësi i Këshillit për Siguri Kombëtare, John Kirby, ka thënë se një marrëveshje potenciale e armëve, në mes Penianit dhe Moskës, do të përbënte shkelje të rezolutave të Këshillit të Sigurimit.

Uashingtoni ka akuzuar më parë Korenë Veriore për furnizim të Rusisë me armë në Ukrainë, por edhe të mercenarëve të grupit rus Wagner. Pretendimet janë hedhur poshtë nga Koreja e Veriut.

John Kirby deklaroi në një konferencë për media se: “Ne e kemi kuptuar që Rusia është duke tentuar të dërgojë një delegacion në Korenë Veriore dhe që Rusia është duke i ofruar Koresë Veriore ushqim, në këmbim të municioneve”.