Dekriminalizimi i politikës ka qënë një ndër debatet më të shpeshta mes palëve në politikë këtë vit. Pas nënshkrimit të marrëveshjes mes mazhorancës dhe opozitës më 24 dhjetor 2014, u desh një vit që politika të gjejë mirëkuptimin për ta kthyer këtë marrëveshje në ligj.
Tre ditë më parë, u votua në parlament ligji për dekriminalizimin e politikës ndërsa krerët e partive politike po e shesin si një sukses historik. Por në të vërtetë është vetë kjo elitë politike, kryesisht drejtuesit e partive politike që e kanë sjellë krimin në parlament dhe në të gjitha institucionet e tjera të këtij vendi.
Kjo speciale, e përgatitur nga gazetarja Luljeta Progni, na njeh me hapat që janë ndjekur nga krerët e politikës për kriminalizimin e politikës dhe premtimet për dekriminalizimin e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
