Rikthehet në Francë shërbimi i detyruar ushtarak. Ka qenë vetë presidenti Emanuel Macron që konfirmoi lajmin gjatë një takimi me gazetarët. “ Shërbimi do të jetë kombëtar, i detyrueshem dhe universal”-është shprehur Macron, i cili hedh poshtë deklaratën e ministers së Mbrojtjes Florence Parly se shërbimi ushtarak, i anuluar në vitin 1997, nuk do të ishte i detyrueshëm. Mediat raportojnë për një përiudhë prej 3 deri në 6 muaj të shërbimit ushtarak dhe ndarje të kohës mes shërbimit ushtarak dhe shërbimit civil. Por sipas tyre, rikthimi i tij mund të mos realizohet për shkak të kostos së lartë financiare për shtetin. Ndërkohë që presidenti Emanuel Macron tha se pret amendamentet e ligjit dhe propozimet në parlament, për ta miratuar sa më shpejt dhe nisjen e zbatimit në një kohë të shkurtër. Brenda verës pritet që të publikohen edhe detajet e refomës, e cila parashikon që shërbimi ushtarak të përfshijë edhe vajzat, duke përllogaritur një numër prej 700 mijë të rinjsh që mund të rekrutrohen cdo vit. Në udhëzimin e tij, presidenti francez ka theksuar se shërbimi ushtarak do të shërbejë për forcuar ndjenjën e patriotizmit, disiplinës dhe respektimit të rregullave të shoqërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
