Projekti i kryebashkiakut Erjon Veliaj, për kthimin e sheshit Skënderbej në pedonale duke se është bërë objekt frymëzimi edhe për Komunën e Prishtinës. Mësohet se një nga rrugët më të frekuentuara të Prishtinës nga hotel Grandi deri te Katedralja do të kthehet në një pedonale, njësoj si në Tiranë. Ky fakt është bërë i ditur nga zëdhënësi i Komunës së Prishtinës, Adonis Tahiri, i cili ka thënë se brenda asaj hapësire të zhvillohen aktivitete të ndryshme.
“Ajo pjesë së shpejti do të shndërrohet në shesh. Në kuadër të këtij projekti është edhe vetëdijesimi i qytetarëve lidhur me këtë çështje. Për këtë arsye është mbyllur sot nga ora 06:00 deri në ora 24:00. Plani është që kjo të përsëritet disa herë, edhe në fundjava të tjera, dhe brenda asaj hapësire të zhvillohen aktivitete të ndryshme”, tha Tahiri.
Vendimi për mbylljen e disa rrugëve të Prishtinës për qarkullim të automjeteve është bërë kohë më parë dhe kjo parashikon realizimin e projektit të parkut që do të ndërtohet te Fakulteti Filologjik dhe parkingut nëntokësor në po atë hapësirë. Ky projekt aktualisht është ndërtuar edhe në Shqipëri pasi sheshi “Skënderbej” bllokoi qarkullimin e automjeteve dhe tashmë përdoret për aktivitete të ndryshme, si dhe për parkingun nëntokësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
