Riatdhesimet, mbërrijnë nga Brukseli 126 shtetas shqiptarë

Të tjerë shtetas shqiptarë të riatdhesuar kanë mbërritur pasditen e sotme në Rinas.

Një avion me 126 pasagjerë mbërriti nga Brukseli.

Ata do të qëndrojnë për 14 ditë të karantinuar në hotelet e përcaktuara nga Ministria e Infrastrukturës në Durrës dhe Golem.

Ndërkohë, të hënën pritet një tjetër fluturim nga Vjena, i cili do të sjellë të tjerë shtetas shqiptarë të bllokuar atje për shkak të situatës që krijoi koronavirusi.

Ndërsa në ditët e ardhshme pritet që të riatdhesuar të tjerë të mbërrijnë nga Spanja dhe Rumania.

Procesi i riatdhesimeve ka nisur prej datës 18 prill.

Të gjithë qytetarët që kthehen nga vendet e tjera duhet të paguajnë fluturimin dhe ushqimin për 14 ditë.

Për akomodimin 14-ditor në Durrës, do të paguhen 21 euro në ditë, nga të cilat 14 euro do të mbulohen nga qeveria.