Zjarr në muzeun Somerset House në Londër, mbi 100 zjarrfikës në vend

Rreth 125 zjarrfikës janë duke luftuar për të shuar flakët në godinën ikonike në qendër të Londrës Somerset House, e cila shërben si një qendër arti.

Brigada e Zjarrfikësve e Londrës (LFB) tha se kishte dërguar ekipe pas marrjes së një thirrjeje pak para mesditës, ndërkohë që shkaqet e zjarrit janë të paqarta. Policia Metropolitane ka njoftuar se nuk ka të lënduar në vendngjarje.

Në një postim në X, në llogarinë e Somerset House shkruhej: "Për shkak të një zjarri në një pjesë të vogël të Somerset House, vendi aktualisht është i mbyllur. London Battle dhe ngjarjet e tjera të sotme nuk do të zhvillohen. Kërkojmë ndjesë për çdo shqetësim."

Somerset House is currently closed due to a fire which has broken out in one small part of the building.

All staff and public are safe and the site is closed. The London Fire Brigade arrived swiftly and we’re working very closely with them to control the spread of the fire.

— Somerset House (@SomersetHouse) August 17, 2024

Stafi dhe vizitorët e galerisë ndodhen jashtë ndërtesës, ndërsa duken re tymi gri. Për shkak të tymit të dendur, Shërbimi i Ambulancës së Londrës ka kërkuar që njerëzit të shmangin zonën dhe u ka kërkuar bizneseve lokale të mbajnë dritaret dhe dyert të mbyllura.

Ndërtesat dhe sheshi i epokës gjeorgjiane u ndërtuan në vendin e një pallati që daton nga Tudorët.

Vendi është gjithashtu shtëpia e Galerisë Courtauld, një muze arti që strehon koleksionin e Samuel Courtauld Trust, duke përfshirë kryeveprat që variojnë nga Mesjeta deri në shekullin e 20-të.

Autoportreti i Vincent Van Gogh me vesh të fashuar është renditur si pjesë e koleksionit Courtauld në faqen e internetit të galerisë.

Somerset House organizon rregullisht ekspozita, përvoja dhe patinazh në akull brenda oborrit të saj të famshëm.