Bursa e Moskës do të rihapet pjesërisht për investitorët e huaj nga e hëna pas një pezullimi gati gjashtë mujor që nga nisja e luftës në Ukrainë.
Në deklaratën e Bursës thuhet se vetëm investitorët nga “vendet që nuk janë armiqësore” do të lejohen të tregtojnë bono.
Masa përjashton shumë nga investitorët më të mëdhenj të Rusisë që kanë vendosur sanksione ndaj ekonomisë së saj.
Rusia i mbylli tregjet e saj në shkurt për të kufizuar paratë që të largoheshin nga vendi gjatë luftës.
Bursa e Moskës tha se do të rihapte tregun e saj të obligacioneve për “klientët jorezidentë nga vende që nuk janë armiqësore, si dhe jorezidentët, përfituesit përfundimtarë të të cilëve janë persona juridikë ose individë rusë”.
BBC raporton se Kina dhe Turqia ka të ngjarë të jenë mes këtyre kombeve, pasi ato nuk kanë vendosur sanksione kundër Rusisë.
Në deklaratë shtohet se bankat, agjentët dhe kompanitë e menaxhimit të investimeve kishin filluar të regjistrojnë klientët e tyre të huaj në bursë.
Rusia mbylli tregjet e aksioneve dhe obligacioneve disa orë pasi Presidenti Vladimir Putin dërgoi mijëra trupa në Ukrainë më 24 shkurt.
Në mars, ajo filloi një rihapje me faza, e cila ishte e kufizuar në obligacionet e emetuara nga qeveria ruse.
Rifillimi i tregtimit të hënën përjashton investitorët nga vendet “armiqësore”, të cilët mbeten të ndaluar të shesin letra me vlerë ruse.
Këto vende përfshijnë anëtarë të Bashkimit Europian, Kanadanë dhe Japoninë. Por ky grup përbënte 90% të investimeve në Rusi vitin e kaluar.
Ndërhyrja ushtarake ruse në Ukrainë dhe sanksionet e vendosura nga qeveritë perëndimore kanë dëmtuar ekonominë e saj. Rusia besohet se ka dështuar në borxhin e saj të brendshëm, ku në qershor për herë të parë që nga viti 1998.
Ndërsa kishte para për të bërë një pagesë prej 100 milionë dollarësh, sanksionet e bënë të pamundur marrjen e shumës te kreditorët ndërkombëtarë.
Zëdhënësi i Kremlinit Dmitry Peskov tha se një bankë ndërmjetëse kishte mbajtur paratë dhe se rezervat ishin bllokuar “në mënyrë të paligjshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
