Në një analizë mbi raportin mes qeverisë dhe opozitës sot, analisti Pano Soko, i ftuar në emisionin “Të Paekspozuarit”, u shpreh se të dyja palët ndodhen në një situatë paralize politike, pa zhvillime reale.
Sipas tij, qeveria dhe opozita kanë arritur në një “ekuilibër statik”, të ngjashëm me dy gurë që rrinë në të njëjtin vend pa ushtruar ndikim mbi njëri-tjetrin.
Shqipëria, për fat të keq, sot nuk gëzon dot një dinamikë politike.
Kemi një ‘ekuilibër statik’, siç quhet në fizikë, kur dy trupa nuk ndikojnë më te njëri-tjetri sepse nuk kanë as energji potenciale, as kinetike, si dy gurë që qëndrojnë aty.
Opozita, teorikisht, ndodhet përballë një qeverie që në çdo vend tjetër do të ishte goditur rëndë politikisht.
Në Shqipëri sot opozita ka përballë një qeveri ku dy zëvendëskryeministra janë nën hetim nga SPAK, një kryetar bashkie, numri 2 i partisë në burg, etj, çdo opozitë në botë do ta dëshironte një situatë të tillë.
Por pse nuk bën gjë sot opozita, sepse qeveria ka përballë opozitën qe çdo vend në botë do ta donte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
