Kreu i Komisionit të Posaçëm Antikorrupsion, Fatmir Xhafaj, ka dorëzuar në Kuvend dy dokumente që do të shërbejnë si pikënisje për punën e Komisionit të Posaçëm për Reformën Shtetformuese dhe Institucionale. Xhafaj tha sot se është detyrim që edhe opozita të përfaqësohet në komisionet dhe nën komisionet e Kuvendit.
“Është detyrim që edhe mazhoranca dhe opozita të përfaqësohen në komisionet dhe nën komisionet e Kuvendit. Kështu që nuk shikoj asnjë arsye pse të mos jetë opozita e përfshirë në këtë proces. Pastaj ku merr pjesë opozita apo ku nuk merr pjesë është vendimmarrje e saj. Unë besoj se është në interes të opozitës që të përfshihet në këtë gjë. Unë nuk bej ftesë, sepse nuk e ngre unë. Komisionin e ngre Kuvendi dhe Kuvendi ka detyrimin që të përcaktojë vendet e opozitës dhe të mazhorancës. Nuk ka nevojë për të bërë ftesë. Është detyrim, pastaj ulen apo nuk ulen ata kjo është çështje tjetër”, tha Xhafaj.
Ky i fundit hodhi poshtë edhe njëherë pretendimet se puna e komisionit cënon pavarësinë e sistemit gjyqësor.
“Nëse gjeni në dy aktet që ka miratuar komisioni një mbivendosje apo përplasje me institucionet e drejtësisë, unë jam gati të dal publikisht dhe ta pranoj këtë gjë. E gjitha kjo ishte një furtunë në gotë e ngritur me një qëllim të caktuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
