Dialogu është e vetmja rrugë që mund të çojë drejt zgjidhjes së situatës politike të krijuar pas protestave dhe djegies së mandateve nga opozita. Ky është mesazhi që përcjell kryepeshkopi metropolitan i Tiranës dhe Durrësit, Xhorxh Frendo, në një intervistë për Radio Vatikanin.
“Situata është tragjike, për fat të keq nuk ka dialog midis partive politike. Ndoshta është pak a shumë faji i të gjithëve. Ne kemi nevojë për një dialog, ne kemi nevojë për vullnet të mirë, vullnet për të dëgjuar së pari. Dhe gatishmëria për të dëgjuar gjithashtu supozon prirjen e përulur. Ne nuk duhet të karikaturojmë dialogun dhe madje politikanët duhet të kërkojnë këtë dialog, i cili është rruga e vetme për një zgjidhje të drejtë, e vetmja rrugë. Duhet të jetë një dëgjim i vërtetë. Nuk është as një kompromis i thjeshtë”, thotë ai.
Frendo thotë se zgjedhjet e parakohshme mund të jenë një zgjidhje, megjithatë e vë theksin te nevoja që partitë politike në vend të orientohen nga e mira e përbashkët.
“Kjo nuk është e vetmja herë që në Shqipëri ka situata tensioni. Prandaj, nga partitë politike është e nevojshme të kemi më shumë ndjenjën e të mirës së përbashkët. E mira e përbashkët gjithashtu kërkon një sakrificë të caktuar nga ana e të gjithëve”, thekson Frendo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
