Debati për projektligjin e minoriteteve është bërë kësaj radhe shkak për përjashtimin e një tjetër deputeti të opozitës nga seanca. Deputeti demokrat, Flamur Noka, pasi ish-kryeministrit Berisha iu ndërpre fjala, zuri foltoren, duke mos lënë të diskutonte deputetin e LSI-së, Shezai Rrokaj.
Kjo bëri që Ruçi t’i tërhiqte disa herë vëmendjen, por pa sukses. Kreu i Kuvendit njoftoi vendimin për përjashtimin e Nokës nga seanca e sotme.
Ndërkohë, kreu i grupit parlamentar socialist, në një prononcim jashtë sallës për mediat, tha se kjo është një strategji që po përdor opozita.
“PD po shpërdoron mandatet. Ky është një skenar i organizuar nga Berisha për të bllokuar punimet e Kuvendit”, tha Balla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
