Finlanda do të marrë një vendim në javët e ardhshme nëse do të aplikojë për t'u bashkuar me aleancën e NATO-s, tha kryeministrja e vendit, Sanna Martin.
Duke folur në një konferencë të përbashkët shtypi me homologun e saj suedez, Martin u tha gazetarëve:
“Ka këndvështrime të ndryshme për të aplikuar për anëtarësimin në NATO apo jo dhe këto duhet t'i analizojmë me shumë kujdes. Por unë mendoj se procesi ynë do të jetë mjaft i shpejtë, do të ndodhë brenda javësh”.
Të hënën, zëdhënësi i Kremlinit Dmitry Peskov paralajmëroi Finlandën dhe Suedinë duke u shprehur kundër bashkimit të tyre me NATO-n, me pretendimit se zgjerimi i mëtejshëm i aleancës "nuk do të sillte stabilitet në kontinentin evropian".
Finlanda, një vend anëtar i BE-së, ndan një kufi prej 1,300 km (810 milje) me Rusinë. Moska ka paralajmëruar masa nëse Finlanda dhe Suedia aplikojnë për t’u bashkuar me aleancën euro-atlantike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
