Zbardhen detaje mbi vrasjen e babait nga fëmijët/ Garo: Qitja u krye nga djali i madh, ja roli i familjarëve në krim

50-vjeçari Pëllumb Meta nuk u vra nga vajza 19-vjeçare Hygerta Meta, por nga djali i tij i madh 24-vjeçari Hasan Meta. 

Në këto përfundime ka dalë Policia e Durrësit, që përmes drejtorit Skënder Hitaj, ka zbardhur detaje të reja që japin një dinamike të re mbi ngjarjen.

Qitja është kryer nga Hasan Meta, ndërsa dyshohet se se vëllai i vogël Amarildo Meta ka ndihmuar në fshehjen e trupit.

Krimi është kryer në një nga dhomat e shtëpisë, ku kanë qenë të pranishëm djali i madh dhe 19-vjeçarja. 

Pëllumb Meta u vra dhe u varros në oborrin e banësës. Kujtojmë që fillimisht përgjegjësinë mbi krimin e mori vajza 19-vjeçare Hygerta Meta. 

Korrespondentja Ervina Garo në një raportim për edicionin e lajmeve në Mcn tv bën me dije:

Duket se është përmbysur gjithçka është thënë deri më tani, dhe autori i vrasjes nuk rezulton më 19-vjecarja, pavarësisht se është bashkëpunëtore në krim, por vëllai i saj i madh Hysen Meta. Ndërkohë në pranga është edhe 19-vjeçarja, por edhe vëllai tjetër, Amarildo Meta, që ka ndihmuar në fshehjen e kufomës. Do të hetohet në gjendje të lirë nëna, Blerina Meta, që s’ka qenë e pranishme në ngjarje, por ka ditur atë që ka ndodhur, dhe ka ndihmuar në fshehjen e ngjarjes. Të gjithë të akuzuarit kanë pranuar autorësinë, por kanë ndenjur të gjithë në të njëjtën linjë, babai ka qenë i dhunshëm dhe kanë pasur konflikte familjare të herëpashershme.