Opozita nuk ka asnjë nismë për hetim parlamentar apo padi në lidhje me daljen e të dhënave të shqiptarëve pas sulmit ndaj AKSHI-t. Në studion e lajmeve të MCN TV, deputeti demokrat, Lefter Gështenja tha se mënyra si ka operuar AKSHI me fondet e bën atë incerenatorin e katërt në Shqipëri. Por sipas tij për një vendimmarrje lidhur me hetimin parlamentar apo nga organet e drejtësisë kërkon vendim grupi.
Edhe pse kjo qeveri ka investuar miliona euro në sigurinë e AKSHI-t, të dhënat e shqiptarëve janë në treg. Ky sistem është totalisht i shpartalluar. Nuk ka asnjë lloj sigurie, të gjitha të dhënat e shqiptarëve janë në treg.
Shpresoj që shumë shpejt, opinioni publik duhet të jetë në dijeni që kjo çështje është ndjekur edhe nga përfaqësues të FBI. Është çështje delikate, duhet vendimmarrje e gjithë grupit parlamentar. Unë e kam quajtur inceneratori i katërt i qeverisë AKSHI-n për mënyrën si ka gllabëruar fonde.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
