Izraeli dhe aleatët e tij përshëndetën suksesin e tyre në ndalimin e një breshërie raketash dhe dronësh që u lëshuan nga Irani, në një sulm të paprecedentë që ndodhi në fundjavë.
Megjithatë përgjigjja e Izraelit ka një çmim që arrin mbi një miliard dollarë, sipas një raporti të Bloomberg. Shifra bëhet me dije nga Reem Aminoach, një ish-gjeneral brigade dhe këshilltar kryesor financiar i kreut të ushtrisë izraelite.
Ai përmendi llogaritjet që kishte bërë për numrin e raketave interceptuese që Izraeli do t'i duhej të lëshonte. Izraeli ka thënë se Irani ka lëshuar 170 dronë, 30 raketa lundrimi dhe 120 raketa balistike. SHBA, Britania e Madhe, Franca dhe Jordania u përfshinë gjithashtu në rrëzimin e armëve iraniane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
