Kandidati për kryetar në PD, Fatbardh Kadilli kërkon të ketë debat publik mes emrave që janë në garë.
Në një deklaratë për mediat, ai sot i bëri thirrje Kryesisë së PD që të organizojë menjëherë përballjen publike mes tyre. Gjithashtu, ai e sfidoi edhe njëherë publikisht Lulzim Bashën duke e ftuar në debat publik.
“I kërkoj Kryesisë së Partisë Demokratike sa vijon: Të miratojë sa më parë kandidaturat që kanë kërkuar të jenë në garë; Të miratojë modalitetet për mbledhjen e aktiveve te degëve ku kandidatët me kohe te barabarte të paraqesin platformat e tyre dhe të komunikojnë me anëtarësinë; Të procedojë me ngrirjen e administratës së PD deri në zgjedhjen e Kryetarit; Të pajisjë menjëherë kandidatët me listat e plota të anëtarësisë; Të organizojë tre debate televizive, të hapura për publikun dhe median, me pjesëmarrjen e të gjithë kandidatëve, në Tiranë, Shkodër dhe Vlorë. Sot i bëj thirrje të gjithë demokratëve të shikojmë këtë garë si mundësi për tu ngritur edhe njëherë. I kërkoj Bashës që atë që i kërkoi Ramës një debat publik. Duhet të jemi të hapur për tu zgjeruar. Sot kemi në garë 5 kandidatë. Projekti im filloi me këtë ti rikthej garën e PD. E sfidoj Bashën të pranojë debat publik,” deklaroi Kadilli.”
Kadilli deklaroi se Partia Demokratike duhet reformuar sepse zgjedhjet e 25 prillit tronditën demokratët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
