Një 44-vjeçar grek me iniciale V.Z është ekzekutuar në orët e para të së dielës jashtë karburantit në pronësi të tij në zonën e Neo Kosmos në Greqi.
Autorët e armatosur, të cilët dyshohet se kanë qenë tre, e kanë qëlluar me 81 plumba 44-vjeçarin.
Në vendngjarje u gjetën dhe u konfiskuan 81 gëzhoja kallashnikovi të kalibrit 7.62 mm, si dhe gëzhoja pistolete të kalibrit 9 mm.
Mediat greke shkruajnë se viktima ka qenë i armatosur. Në makinë i është gjetur një armë, por nuk ka pasur kohë ta përdorë.
Xhipi me të cilin kanë lëvizur autorët është gjetur i djegur plotësisht në Avenue Athinë, në Çaidar, ndërsa po punohet për gjetjen e numrit të shasisë.
Sipas informacioneve, viktima dyshohet se ka qenë drejtues i një grupi kriminal dhe se në 2018 ka qenë në shënjestër të një tjetër atentati kriminal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
