Detaje të reja janë zbuluar në lidhje me sasinë e madhe të drogës të sekuestruar ditën e djeshme në Përmet.
Policia ka zbardhur sot operacionin e koduar “Pagri”, ku ka arrestuar dy shtetas si dhe ka ndaluar kryeplakun e fshatit pas zbulimit të një magazine me 10 tonë lëndë narkotike cannabis sattive.
Në këtë operacion, u zbuluan në një nga tre ish-depot e rezervave të shtetit plot 11.650 kg kanabis sativa. Policia arriti të vërë në pranga dy prej administratorëve të këtyre depove si dhe shpalli në kërkim personin e tretë që administronte këto depo.
Gjithashtu është ndaluar edhe Kryeplakut të fshatit Koço Zaimaj , 58 vjeç, ku u gjet droga. Në përfundim të veprimeve të para të kryera në vendngjarje u bë ndalimi i shtetasëve: Rustem Muçelli, 51 vjeç, Eqerem Ali, 60 vjeç, si dhe u shpall në kërkim Ismail Saliu, 61 vjeç, të tre banues në fshatin Pagri.
Ndalimi i këtyre shtetasve si dhe shpallja në kërkim e shtetasit tjetër u bë për arsye se këta shtetas nga provat e grumbulluara rezulton se i kishin në përdorim depot për të magazinuar ushqim për bagëtitë e tyre.
Po në lidhje me këtë ngjarje, Drejtoria e Standarteve Profesionale në Policinë e Shtetit dhe SH.Ç.B.A, kanë nisur verifkimet për të parë nëse ka implikim apo shpërdorim detyre të punonjësve të policisë në lidhje me këtë ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
