Gazetarja e MCN TV në Shkodër, Bendis Druni raporton se reshjet e dëborës kanë qenë me intensitet të lartë në Qafë Thore e cila është pika më e lartë e zonës.
Në një lidhje për MCN Live, gazetarja tha se aktualisht po punohet me mjete borëpastruese për të mbajtur të hapur rrugën që lidh fshatrat, por se deri në këto momente nuk ka rrugë të bllokuara.
Mirëmbajtja e rrugës po bëhet në mënyrë të vazhdueshme, nuk ka problematika për bllokimin e rrugës.
Këshillohet që në zonën e Thethit dhe Dukagjinit, automjetet të jenë të pajisura me goma dimërore dhe zinxhirë edhe pse nuk ka rrugë të bllokuara.
Lëpusha e cila është një nga destinacionet më të preferuara, në këto momente ka pak reshje dëbore. Interesi i vizitorëve nuk është i vogël.
Ka interes si nga vizitorët shqiptarë dhe të huaj dhe pika turistike e Razmës mund të aksesohet për rreth 40 minuta nga Shkodra, që mund të vizitohet brenda ditës.
Edhe Thethi nuk mbetet pas, është një nga më të preferuarat.
Rruga është e hapur, në Theth ka pak borë, natyrisht duke bërë kujdes me goma dimërore dhe zinxhirë të pajisur mund të shkohet shumë mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
