8 maji, Zelensky: Rusia do të mposhtet në të njëjtën mënyrë si nazizmi

Rusia do të mposhtet  në të njëjtën mënyrë  siç u mposht nazizmi në vitin 1945.

Kështu deklaroi  presidenti ukrainas Volodymyr Zelensky me  rastin e 8 majit, ditë që përkujton fitoren e aleatëve mbi Gjermaninë naziste dhe luftëne  dytë botërore.

 “E  gjithë e keqja e vjetër që rikthen Rusia moderne do të mposhtet në të njëjtën mënyrë si u mund nazizmi”, tha Volodymyr Zelensky në një fjalim të postuar në mediat e tij sociale menjëherë pas një sulmi tjetër rus në shkallë të gjerë në Kiev, gjatë të cilit më shumë se tridhjetë dronë u rrëzuan mbi kryeqytet.