Gazmend Bardhi ishte i ashpër me ish-kreun e PD-së në daljen e sotme për mediat në mesditë. Sekretari i Përgjithshëm i PD-së tha se objektivi i PD-së mbete rrëzimi i Ramës, ndërsa Berisha motivohet nga një hall personal në të gjithë lëvizjen e inciuar nga Berisha.
Zyrtarët, funksionarët dhe anëtarët janë njerëz të lirë me zërin e tyre që duhet të dëgjohet. Nuk ka palë në PD. PD është një, është e demokratëve. Cilido që për interes momental personal apo hall personal synon të përçajë PD dhe të krijojë palë nuk i bën shërbim partisë, por Edi Ramës. Interesi ynë është rrëzimi i regjimit të Edi Ramës, ky duhet të jetë fokusi ynë. Hallet dhe problemet personale secili t’i mbajë në shtëpinë e tij, kjo është shtëpia e demokratëve. Në momentin që flasim nuk ka një kërkesë për thirrjen e Kuvendit Kombëtar. Kasafortë mund të ketë kushdo, partia nuk është kasafortë. Është krenari e demokratëve dhe e Shqipërisë. Nuk jemi celulë ilegale, jemi strukturë që veprojmë në përputhje me ligjin dhe statutin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
