Ata që bëjnë vaksinën ruse, Sputnik V, kundër koronavirusit duhet t’i rrinë larg alkoolit për dy muaj.
Shefja e Shërbimit Federal për Mbikëqyrjen e Mbrojtjes së të Drejtave të Konsumatorit dhe Mirëqenies Njerëzore, dr. Ana Popova, tha se abstinenca e alkoolit duhet të nisë dy javë para imunizimit dhe ata që marrin dozën e parë duhet të mos e konsumojnë pijen për 42 ditët e ardhshme.
Popova këshilloi qytetarët të mos pinë duhan para dhe pas vaksinimit, duke paralajmëruar se tymi i duhanit irriton mushkëritë dhe zvogëlon përgjigjen imune.
Siç raporton "Moscoë Times", pas paralajmërimit të Popovës, Alexander Ginsberg, shefi i Qendrës Shtetërore të Kërkimit "Gamaleja", e cila zhvilloi vaksinën Sputnik V, duke pasur parasysh festat e fundvitit, tha se, megjithëse nuk duhet të konsumohet alkool para ose pas vaksinimit, "një gotë shampanjë nuk ka dëmtuar kurrë askënd".
Fushata e vaksinimit të Rusisë filloi këtë fundjavë në Moskë dhe deri më tani, sipas vlerësimeve, rreth 100 000 rusë janë vaksinuar, përfshirë ata që morën pjesë në teste dhe ushtarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
