Nada Dosti, gazetare në Ankara, thotë se mes viktimave dhe të lënduarve nga tërmeti që goditi sot zonën kufitare mes Turqisë dhe Sirisë nuk ka shqiptarë. Në një lidhje Skype, Dosti tha se bilanci i viktimave pritet të rritet, ndërkohë që në terren është angazhuar një numër i madh trupash për shpëtimin e atyre që janë ende nën rrënoja.
Në Ankara e ndiem tërmetin, por jemi ende nëpër shtëpi. Anadolu Agency flet për 1014 viktima dhe mbi 6 mijë të lënduar. Ka mbi 9 mijë punonjë të kërkim-shpëtimit në terren. Në operacion janë përfshirë ushtria dhe trupat e aviacionit.
Në Ankara për shkak të dëborës janë mbyllur institucionet. Jemi në shtëpi dhe po sigurohemi për situatën. Situata është bërë aq kaotike saqë në qendrat e dhurimit të gjakut nuk ka personel të mjaftueshëm.
Nuk ka sinjalizime për të dëmtuar shqiptarë. Në këto zona nuk banojnë shqiptarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
