Nuk është hera e parë dhe nuk do te jetë as e fundit për kryeqytetin e Shqipërisë që t’i nënshtrohet vullnetit te “pronarëve” të vet, herë duke u transformuar rrënjësisht e herë duke i shpëtuar “kafshimit” të radhës.
Këtë herë, sfida për Tiranën është ndërtimi i parkut të lojrave në Liqenin Artificial ose siç për hir të parkut të tij plot pemë njihet ndryshe si “mushkëria e kryeqytetit”. Ky park lojrash që nisi me përfshirjen brenda tij edhe të një bar-kafe, e që më pas u përjashtua nga projekti, synon t’i shërbejë më të vegjëlve të shoqërisë për t’u socializuar dhe për t’u argëtuar me njëri tjetrin.Të paktën kështu e ka interpretuar ndërtimin e këtij parku Bashkia e Tiranës,vendim i cili është kundërshtuar fort nga PD dhe shoqëria civile të cilët edhe pse të bashkuar në emër të së njëjtës kauzë, nuk kanë asnjë lidhje politike me njëra tjetrën.
Këtë ka nënvizuar në studion e “Mikroskop”, Eltjana Shkreli, përfaqësuese e Shoqërisë Civile e cila në cilësine e planifikueses urbane solli në “Mikroskop” të gjitha arsyet se pse ky park në asnjë mënyrë nuk duhet ndërtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
