Ballafaqimi mes biznesmenit Ylvi Beqja dhe Emiljano Shullazit është kthyer në një telenovelë. Seanca gjyqësore e dëshmitarit të mbrojtur Beqja, dhe Emiljano Shullazit është shtyrë sërish.
Ashtu si herët e kaluara, as sot Shullazi nuk është paraqitur në seancën me dyer të mbyllura duke detyruar gjykatën të shtyje për të 13-ën herë seancën gjyqësore të ballafaqimit mes tij dhe biznesmenit Beqja.
Avokati i Shullazit bëri me dije se klienti i tij nuk ishte i pranishëm në sallë për arsye shëndetësore.
Ndërkohë dëshmitari i mbrojtur, Ylvi Beqaj ishte i pranishëm në sallën e gjyqit, gati për të dëshmuar, por më kot pasi i akuzuari prej tij Shullazi nuk u paraqit, për shkak të raportit mjekësor.
Kjo është seanca e 13 që shtyhet dhe seanca e radhës u caktua më 7 mars, por nuk dihet se cili do të jetë fati i radhës së kësaj “telenovele” gjyqësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
