Gara për Tiranën është mjaft e fortë, veçanërisht me listat e hapura që kanë sjellë një konkurrencë të ashpër, ku përveç emrave të njohur të PS, nga ana e PD janë gjithashtu të pranishëm kandidatë të rinj që garojnë për herë të parë për deputetë.
Njëri prej tyre është dr. Ilir Alimehmeti, kandidati për deputet nga PD, i cili thotë se në krahasim me PS, fuqizimi i partisë vjen nga individi, jo nga struktura.
Ai e cilëson kryetarin në detyrë të PS-së, Erion Veliaj, si motori elektoral i kësaj partie, por thekson se qytetarët kanë kuptuar dëmet që kjo qeveri ka lënë pas.
Veliaj ka qenë motori elektoral i PS-së, por qytetarët e dinë mirë se çfarë dëmesh ka lënë qeveria që ai drejton. Po, Veliaj është një figurë e njohur, por që të tërheqësh vëmendjen dhe mbështetje nga njerëzit, duhet të krijosh lidhje të forta dhe të besueshme me ta. Kjo kërkon kohë dhe përpjekje, dhe është një proces që nuk mund të bëhet brenda natës. Nëse heqim Veliajn, PS do të duhet të gjejë një tjetër motor, dhe kjo nuk është diçka që mund të ndodhë menjëherë.
Fuqizimi i partive vjen nga individët dhe nga mendimet e lira që ato mbështesin. Në PD, janë individët ata që marrin vendime, dhe nuk është e lehtë të japësh urdhra pa një mendim të thelluar dhe një diskutim të hapur.
Dr.Alimehmeti thotë se që në krye te herës, në Primare ka pasur mbështetjen e strukturave demokratik deh tashmë po punon në fuqizimin dhe prezantimin e programit të shëndetësisë për zgjedhjet e 11 majit.
Unë kam mbështetje të fortë nga strukturat e partisë, veçanërisht nga primaret, dhe aktualisht po punojmë për të fuqizuar dhe promovuar programin tonë për shëndetësinë, që do të jetë një nga prioritetet kryesore në fushatën për 11 maj. Unë besoj se qytetarët janë të vetëdijshëm për vlerat që ne mbrojmë dhe për ndryshimet që duam të sjellim.
Përfaqësimi i qytetarëve dhe dëgjimi i mendimeve të tyre është esencial për të siguruar një të ardhme më të mirë. Është e rëndësishme që të ketë një debat të hapur dhe që çdo individ të mund të mbrojë pikëpamjet e tij, duke kontribuar kështu në një shoqëri të drejtpërdrejtë dhe të përgjegjshme.
Ne do të vazhdojmë të takojmë njerëzit në terren dhe të dëgjojmë kërkesat e tyre, për të ndërtuar një Tiranë më të mirë dhe më të drejtë për të gjithë.
Jam i parimit që qytetarët të zgjedhin përfaqësuesit, kam mbështetjen e kryetarit të PD-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
