Ndërsa mes aleatëve kryesorë në qeverisje vijojnë deklaratat dhe takimet intensive, avokati Spartak Ngjela thotë se kreu i LSI-së i ka kërkuar kryeministrit Rama tre poste kyçe për të bërë të mundur rikthimin e opozitës në Kuvend.
“Sipas burimeve të mia, Meta kërkon ministrin e Brendshëm, Drejtorin e Përgjithshëm të Policisë së Shtetit dhe Presidentin që opozita të dalë nga çadra dhe të rikthehet në Kuvend. Meta i ka thënë Ramës që nëse LSI merr këto poste, opozita del nga çadra”, ka thënë për “Panorama Online”. Megjithatë, Ngjela shton se posti i ministrit të Brendshëm, është shumë i rëndësishëm dhe Rama nuk mund t’ia japë Metës pa u konsultuar më parë.
“Po a e di Meta që të marrë ministrin e Brendshëm, duhet të pyesë aleatët e mëdhenj, sidomos Uashingtonin?”, pyet Ngjela.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
