Shtabi i Përgjithshëm i Koresë së Jugut denoncon se Pheniani ka lëshuar disa raketa lundrimi në drejtim të Detit të Verdhë. Numri, shtrirja dhe shpejtësia e raketave nuk janë bërë ende të ditura. Nisja u shënua rreth orës 04.00 të mëngjesit të së shtunës, tha Komanda e Përbashkët Ushtarake e Koresë së Jugut, pa dhënë detaje të mëtejshme.
“Ne do të ruajmë monitorimin dhe mbikëqyrjen tonë, duke vazhduar të ruajmë pozicionin tonë të gatishmërisë së plotë në bashkëpunim me Shtetet e Bashkuara”, thuhet në deklaratë.
Ky është i fundit i një seri testesh të kryera nga Koreja e Veriut në javët e fundit, duke përfshirë lëshimin e një sateliti spiun të dështuar në fund të muajit të kaluar.
Agjencia shtetërore e lajmeve KCNA raportoi të enjten se Pheniani kreu një sulm bërthamor të simuluar ndaj objektivave në të gjithë Korenë e Jugut.
Veriu e konsideron si “provë pushtimi”. Koreja e Veriut protestoi kundër vendosjes së bombarduesve strategjikë amerikanë duke lëshuar dy raketa balistike disa orë më vonë në shenjë hakmarrjeje.
Ditët e fundit, lideri i Koresë së Veriut, Kim Jong-un, me rastin e festimit të Marinës, drejtoi edhe një herë gishtin nga Uashingtoni dhe aleatët e tij dhe i akuzoi se po krijojnë “ujëra të paqëndrueshme me rrezikun e një lufte bërthamore”.
Më pas ai njoftoi se Marina e Koresë së Veriut do të jetë një komponent i parandalimit bërthamor të shtetit “me koka bërthamore”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
