Janë jo të pakta ankesat e qytetarëve për transportin publik qytetës, duke filluar nga mungesa e higjienës, vonesat në stacione e kushtet jo të mira, ndërsa tashmë në terren, për monitorimin e situatës është angazhuar Task Forca e Transportit Rrugor.
Me një postim në Facebook, Ministria e Infrastrukturës dhe Energjisë bën me dije se kanë nisur kontrollet në urbanë për dokumentacionet përkatëse, deri te vlefshmëria e dokumentave për respektimin e orareve!
Task Forca e Transportit Rrugor - MIE është angazhuar maksimalisht ditët e fundit për verifikimin dhe monitorimin e subjekteve të transportit publik qytetës! Kanë vijuar rreptësishtë kontrollet e dokumentacioneve përkatëse duke filluar nga Aktet e Vlerësimeve që kanë të bëjnë me komoditetin dhe respektimin e kushteve higjenizues gjatë transportit të udhëtarëve, vlefshmëria e kontrollit teknik dhe deri te vlefshmëria e dokumentave për respektimin e orareve! Këto aksione do të shtrihen në të gjithë territorin e Shqipërisë në çdo qytet.
Në fund MIE thekson se nuk do të tolerohet asnjë subjekt i cili nxit ndotjen e ambientit për shkak të mosplotësimit të kushteve teknike gjatë qarkullimit.
Ndotja, kushtet e këqija të sigurisë dhe mosrespektimi i komoditetit të udhëtarëve do të ndëshkohen rëndë administrativisht deri në pezullim Liçence!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
