Londër, 1 në 50 shqiptarë në burg. The Telegraph: Kryesojnë listën e kriminalitetit

<p>Një në 50 emigrantë shqiptarë në Londër, ndodhet në burg.</p> <p>Këtë zbulon analiza e fundit e <a href="https://www.telegraph.co.uk/news/2024/10/04/one-in-50-albanians-uk-in-prison-telegraph-analysis/#:~:text=One%20in%2050%20Albanians%20in%20the%20UK%20is%20in%20jail,table%20of%20criminality%20by%20nationality."><em>The Telegraph</em></a>, ku del në pah se shqiptarët kryesojnë listën e shtetasve të huaj që ndodhen në burgjet e Mbretërisë së Bashkuar.</p> <p>Nga një popullsi prej afro 53,000 shqiptarësh që jetojnë në Mbretëri pa shtetësi britanike, mbi 1,200 prej tyre janë në burg, çka përbën një përqindje të lartë prej rreth 2%, duke u renditur të parët në tabelën e kriminalitetit sipas kombësisë.</p> <p>Të dhënat zyrtare nga Ministria e Drejtësisë së Mbretërisë së Bashkuar tregojnë se pas shqiptarëve në këtë listë renditen kosovarët, vietnamezët, algjerianët, xhamajkanët, eritreanët, irakianët dhe somalezët. &nbsp;</p> <p>Në kontrast, shtetasit gjermanë, italianë dhe indianë janë ndër më pak të burgosurit.</p> <p>Në total, të huajt janë 27% më shumë të prirur të burgosen krahasuar me qytetarët britanikë, me një normë prej 18.2 të burgosur për 10,000 të huaj, krahasuar me 14 për çdo 10,000 britanikë.</p> <p>Shqetësimet për transparencë në lidhje me kriminalitetin e emigrantëve janë rritur, me disa deputetë të Partisë Konservatore që kërkojnë publikimin e të dhënave të të burgosurve siç ndodh në vende si Danimarka apo disa shtete të SHBA-së.</p> <p>Politikanë si Robert Jenrick dhe Neil O’Brien sugjerojnë që këto të dhëna do të ndihmonin në përmirësimin e politikave të vizave dhe deportimit për kombësitë që shfaqin nivele të larta kriminaliteti, megjithatë ende kjo nismë nuk ka marrë dritën jeshile.</p> <p>Një vit më parë, qeveria në Londër firmosi një marrëveshje me sistemin e drejtësisë në Shqipëri, për kthimin e të burgosurve shqiptarë në atdhe ku edhe do të vuajnë dënimin.</p> <p>Deri më tani është arritur dakordësia për kthimin e 200 prej tyre, izolimin e të cilëve në një godinë të re, e paguan qeveria britanike, e cila po ashtu trajnon edhe ekipin e sigurisë.</p> <p>&nbsp;</p>