Ambasada Amerikane ka përshëndetur vendimin e djeshëm të gjykatës për dënimin e Emiljano Shullazit. Në një njoftim për mediat, Ambasada Amerikane e cilëson vendimin një hap përpara për shqiptarët që meritojnë drejtësi të vërtetë nga sistemi gjyqësor dhe inkurajon gjykimin e rasteve të ngjashme.
“Dita e djeshme shënoi një hap domethënës përpara për qytetarët shqiptarë që kërkojnë dhe meritojnë drejtësi të vërtetë nga sistemi i tyre gjyqësor.
Ne u inkurajuam nga puna e prokurorëve shqiptarë, të cilët, duke u bazuar në prova, bindën gjykatësit e Krimeve të Rënda se një bos i krimit dhe kriminelë të tjerë e kanë vendin në burg.
Përshëndesim shqyrtimin e kujdesshëm të këtij rasti.
Vendimi i marrë është një fitore për sundimin e ligjit në Shqipëri. Qytetarët shqiptarë tani pyesin “Kush e ka radhën”?”, thuhet në reagim.
Gjykata e Krimeve të Rënda dha një ditë më parë dënimin me 55 vjet burg në total për Emiljano Shullazin dhe grupin e tij. Vetë Shullazi u dënua me 14 vite burg për disa vepra penale si krijim i grupit të strukturuar kriminal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
