Autoritetet italiane kanë arrestuar një shqiptar, 27 vjeç, për shpërndarje të lëndëve narkotike.
Shqiptari, identiteti i të cilit nuk bëhet i ditur, ka qenë nën vëzhgimin e policisë. Në kontrollin e parë të ushtruar mbi të, në hyrje të një bari në zonën e Borzolit, ata i sekuestruan 20 gramë kokainë dhe një qese me 0.5 kilogram marijuanë.
Në një kontroll tjetër të bërë në shtëpinë e të arrestuarit, policia bllokoi 2 kg kokainë, 1.3 kg marijuanë dhe 13.640 euro.
Sipas mediave, 27 vjeçari është me precedentë të mëparshëm penalë pasi është arrestuar në vitin 2012 për shpërndarje të lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
