Tonelata peshqish të ngordhur janë shpërndarë në brigjet e një lagune të madhe me ujë të kripur në Spanjën juglindore ditët e fundit.
Ngordhja massive e peshqive ka tronditur banorët vendas dhe ambientalistët. Sipas BBC qeveria locale ka bërë fajtore motin e nxehtë për ngordhjen e peshqive në Mar Menor, në jug të Murcia.
Ndërkohë ekspertët thonë se ndotja nga bujqësia lokale ka degraduar cilësinë e ujit.
Raportet në mediat spanjolle thonë se qeveria qendrore po shqyrton një kërkesë për të shpallur Mar Menor një zonë fatkeqësie.
E vendosur në bregdetin juglindor të Spanjës në Mesdhe, laguna dikur ishte një magnet për turizmin dhe një vend i shenjtë për jetën detare.
Por gjendja e ujit është përkeqësuar vitet e fundit, duke çuar në degradimin e ekosistemeve dhe humbjen masive të peshqve nga viti 2016 deri në 2019-ën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
