Mbretëresha Elizabeth e Anglisë, ka anuluar të gjitha angazhimet e saj të planifikuara për tu mbajtur virtualisht, pasi po përballet me pasojat e infketimit me COVID.
Pallati mbretëror, Buckingham Place, me një deklaratë të publikuar këtë të martë konfirmoi se sovrania 95-vjeçare, po planifikonte të vazhdonte kryerjen e detyrave në kështjellën Windsor, por për shkak të simptomave që po shfaqen, hoqi dorë.
“Meqenëse madhëria e saj po përjeton simptoma të ftohjes, ka vendosur të mos ndërmarrë angazhimet e saj virtuale, të planifikuara për sot”, thuhet në deklaratë.
Mbretëresha i ka marrë të treja dozat e vaksinës, por pavarësisht kësaj u infektua.
Ndërkohë sovrania po trajtohet me antiviralë, nga një ekip mjekësh të familjes mbretërore.
Rreth dhjetë ditë më parë, princi i kurorës, Charles, u infektua i pari me Covid dhe dy ditë pas tij, edhe e shoqja Camilla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
