Në Botsvana prej disa muajsh, elefantët po reduktohen në numër.
Janë realizuar disa teste paraprake të cilat shpjegojnë se arsyeja e qindra vdekjeve të elefantëve në Botsvana shkaktohet nga një toksinë që ndodh natyrisht, tha një zyrtar i lartë i jetës së egër për Reuters.
Ishte shumë e pamundur që një sëmundje infektive të ishte pas vdekjes tronditëse të të paktën 281 elefantëve, shtoi Cyril Taolo, drejtor i Departamentit të jetës së egër dhe parqeve kombëtare.
Zyrtarët kanë vijuar punën për gjetjen e shkakut që kur u gjetën kufomat e para në rajonin Okavango Panhandle.
"Ne kemi marrë rezultate testimi edhe nga vende të tjera, përfshirë Shtetet e Bashkuara, dhe deri më tani rezultatet tregojnë se nuk ka shumë gjasa që shkaku të mund të jetë një patogjen infektiv," tha Taolo.
Ai thekson se tashmë janë fokusuar në hetimin e faktorëve të mjedisin, siç janë toksinat e prodhuara natyrisht nga bakteret që gjenden në mjedis.
Popullsia e përgjithshme e elefantëve në Afrikë po zvogëlohet, por Botsvana, ku jetojnë pothuajse një e treta e elefantëve të kontinentit, ka parë një rritje në rreth 130 000.
Qeveria ka dërguar mostra në laboratorët në Botsvana, Afrikë e Jugut, Zimbabve dhe Shtetet e Bashkuara për teste dhe synon që kjo çështje të sqarohet sa më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
