Një banderolë që kundështon mbërritjen në Tiranë për Samitin e Minishengenit të presidentit serb është vendosur para hotelit ku ai do të qëndrojë. Vuçiç do të mbërrijë në kryeqytetin shqiptar të premten, ndërsa të shtunën do të mbahet takimi i disa prej liderëve të rajonit për Shengenin e vogël. Banderola me mbishkrimin "Këtu vjen një kriminel lufte, që të pozojë si përfitues" është vendosur në hyrje të hotelit.
Ndërkohë, qendra Vetëvendosje në Tiranë ka paralajmëruar një protestë pasditen e së premtes. “Aksion simbolik proteste ndaj Vuçiçit, të premten ora 17:00, lulishtja "Qemal Stafa", përballë Presidencës, Tiranë”, thuhet në njoftimin e shpërndarë në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
