Ministria e Mbrojtjes e Tajvanit deklaroi se 66 avionë ushtarakë kinezë u zbuluan rreth ishullit në një periudhë 24-orëshe, një numër rekord që nga fillimi i vitit.
“Gjashtëdhjetë e gjashtë avionë të Ushtrisë Çlirimtare Popullore (PLA) dhe shtatë anije të Marinës PLA që vepronin rreth Tajvanit u zbuluan deri në orën 06.00 të mëngjesit”, tha ministria në një njoftim për shtyp, duke shtuar se reagoi në përputhje me rrethanat.
Sipas ministrisë, 56 prej avionëve kaluan vijën mesatare të ngushticës së Tajvanit, duke hyrë në zonën veriore, jugperëndimore dhe juglindore të identifikimit të mbrojtjes ajrore të Tajvanit (ADIZ).
Të mërkurën shtatë anije të marinës kineze u zbuluan që vepronin rreth Tajvanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
