Valë zjarresh në Kanada, 9 mijë të evakuuar

<p>Rreth 9 000 banorë të zonave në verilindje të Kanadasë janë evakuuar për shkak të zjarreve të furishme.</p> <p>Banorët e qyteteve të Labrador City dhe Wabush në Newfoundland dhe provincën Labrador u urdhëruan të largoheshin nga shtëpitë e tyre, tha oficeri provincial i shërbimit zjarrfikës Jeff Motty.</p> <p>"Ne po shohim sjellje ekstreme të zjarrit atje. Zjarri po lëviz rreth 50 metra në minutë," tha Motty.</p> <p>Imazhet e shpërndara në mediat sociale shfaqin radhë makinash që prisnin të mbusheshin në pikat e karburantit, ndërsa qielli ishte errësuar nga re të mëdha tymi.</p> <p>"<em>Ishte mjaft tronditëse të shihje kaq shumë tym</em>," i tha transmetuesit publik CBC banorja e Labrador City, Stacy Hunt. "<em>Dhe ka qenë pothuajse në të njëjtin vend për orë të tëra tani</em>."</p> <p>Në këtë rajon të largët, banorët duhet të evakuohen më shumë se 500 kilometra (310 milje) në lindje përmes rrugës së vetme në dispozicion.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Motty tha se intensiteti i zjarrit e bëri të pamundur përdorimin e bombarduesve me ujë.</p> <p>Vitin e kaluar, Kanadaja regjistroi sezonin më të keq të zjarreve në historinë e tij.</p> <p>Kushtet më të thata dhe më të nxehta në shumë pjesë të vendit të shkaktuara nga ndryshimet klimatike kanë rritur rrezikun e zjarreve të mëdha vitet e fundit, sipas ekspertëve.</p> <p>Kanadaja aktualisht po lufton me 575 zjarre aktive me më shumë se 400 të konsideruara jashtë kontrollit. Shumë zjarre kanë shpërthyer ditët e fundit, veçanërisht në perëndim të vendit që ka përjetuar një valë të nxehti.</p>