Deputet i Partisë Demokratike, Belind Këlliçi i ftuar në emisionin “Të Paekspozuarit” në MCN tha se protesta që do të zhvillohet ditën e shtunë, më 24 janar, do të ketë një pjesëmarrje masive, ndryshe nga protestat e tjera.
Ndërkohë Këlliçi pati qëndrim kritik mbi mënyrën e zhvillimit të protestave të PD-së, për të cilën tha se duhet gjetur një mënyrë inovative për t’iu përgjigjur nervit qytetar.
“Ne kemi dy forma protestash që po ecin paralele. Është e vërtetë që ajo e të hënës ka pak njerëz. Ajo protestë është gjetur një formë e tillë si foltore. Kurse ajo e 22 dhjetorit nuk mund të kritikohet përsa i përket pjesëmarrjes.
Të shtunën më 24 do të ketë një pjesëmarrje masive. A do të duhet të ketë një format ndryshe, kjo është çështje tjetër. Sot që ne flasim kemi një zv kryeministre që i fshihet drejtësisë dhe ndërkohë ke një kryeministër që ka kaluar në një kritik të drejtësisë. Mendoj që PD duhet të gjejë forma nga më inovativet për tu përgjigjur nervit qytetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
