Cavusoglu paralajmëron Greqinë: Mos i hyni lojës në emër të të tjerëve, do ta pësoni si në të kaluarën

Turqia ka paralajmëruar Greqinë që të mos ndërmarrë “aventura në emër të të tjerëve”, duke theksuar provokimet e vazhdueshme nga Athina.

"Ndërsa ne përpiqemi të respektojmë të drejtat tona fqinjësore në të dy anët e Egjeut, Greqia vazhdon ende provokimet e saj," tha ministri i Jashtëm Mevlut Cavusoglu në një simpozium mbi Betejën e Sakarya të hënën.

"Nëse i hyni një aventure në emër të të tjerëve, do të vuani pasojat sot si në të kaluarën. Ky është një paralajmërim për fqinjin tonë Greqinë," shtoi ai.

Ministri i Jashtëm turk i bëri thirrje Greqisë që të mos jetë “poni” i të tjerëve dhe t’i japë fund provokimeve të saj.

Ai tha se Turqia është gjithmonë vigjilente kundër "syve të këqij dhe planeve dashakeqe", duke shtuar se siguria e vendit është në "duar të sigurta" nëpërmjet "ushtrisë së saj heroike, industrisë së mbrojtjes dhe satelitëve të dërguar në hapësirë".

Në emër të qeverisë greke u përgjigj zëdhënësi i kësaj të fundit.

Giannis Oikonomou në një deklaratë të hënën tha se deklarata e Çavusoglu është thjesht për konsum të brendshëm politik.

"Ne i japim furisë retorike të Ankarasë vëmendjen që meriton", tha Oikonomou, duke shtuar se "është për konsum të brendshëm ose pjesë e një përpjekjeje për të ndërtuar një realitet që bazohet në gabime".

“Qeveria përgjigjet kudo që duhet në mënyrën e duhur”, tha Oikonomou, duke theksuar se “vendi ynë është me përgjegjësi, vendosmëri, një faktor stabilizues”.