Një tërmet me magnitudë 4.7 ballë i shkallës Rihter ka goditur Greqinë pasditen e së shtunës. Sipas mediave në vendin fqinj, lëkundjet sizmike janë ndjerë veçanërisht në zonën e Agrinio-s. Instituti Gjeodinamik raportoi se thellësia e lëkundjeve ishte 18 kilometra.
Si pasojë e lëkundjeve, ka pasur shkëputje masive shkëmbore në zonën malore që lidh Thermon me Nafpaktosin, ku paniku ka përfshirë banorët.
Më e keqja është se kjo zonë njihet për prekjen nga tërmetet dhe paslëkundjet, ndaj dhe frika është e madhe, sepse banorëve u kujton vitin 2007.
“Tërmeti që u ndje rreth orës 18:30 të pasdites shkaktoi panik te banorët e Thermos në Patra por edhe te zonat fqinje”, tha kryebashkiaku i Thermos, Spyros Konstandaras.
Gjithashtu për dëmet e shkaktuara nga tërmeti, deri më tani janë raportuar rënie gurësh në rrjetin rrugor krahinor që lidh zonën e Thermosit me Nafpaktosin, por edhe në zonat malore të bashkisë.
Kryebashkiaku vuri në dukje se “shpresojmë të jetë tërmeti kryesor, sepse lëkundjet zgjuan kujtimet e tërmetit të fortë që kishte ndodhur në zonën tonë në prill të vitit 2007 dhe kishte shkaktuar shkatërrime të mëdha”.
Pas tërmetit të fortë u regjistruan disa pasgoditje, të cilat varionin nga 1.7 në 2.7 të shkallës Rihter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
