Trump ofendon gazetaren: E di që s’e vë mendjen në punë

Përplasje në Shtëpinë e Bardhë midis Donald Trump dhe një gazetareje të Abc News.

Gjatë konferencës për shtyp për prezantimin e marrëveshjes tregtare me Kanadanë dhe Meksikën, Trump ftoi Cecilia Vega për t'i bërë pyetje.

"Është e shokuar sepse e zgjodha të më bëjë një pyetje. Epo mirë, e di që nuk mendon, nuk e bën kurrë", tha presidenti, duke pritur që gazetarja të fliste.

"Më falni?", reagoi ajo. "Jo, asgjë, vazhdo”, iu përgjigj presidenti ndërsa në sallë pati të qeshura.

Megjithatë, kur u pyet për hetimin e FBI-së të nominuarin për Gjykatën e Lartë, Brett Kavanaugh, presidenti nuk pranoi të përgjigjet.

"Unë jam këtu për të folur për tregtinë", tha ai duke rezervuar të drejtën për të diskutuar për këtë temë më vonë.