Grupi kriminal i AKSHI-t ka rezultuar nga hetimet se ka përfituar edhe te “Durana Tech Park”. Gazetari Denis Dyrnjaja duke folur në “Mcn Economy” thekson se i gjithë establishmenti i përfituesve të AKSHI-t u zhvendos te “Durana Park”. Ai vuri në dukje se kudo ku ka pasur fonde me inovacion dhe teknologji shfaqen të njëjtët personazhe.
“Ne kemi një grup ku përfshihet Policia e Shtetit, ku përfshihet vet kupola drejtuese e AKSHI-t, ku njerëzit që kanë përfituar, i gjithë grupi, establishmenti i përfituesve të AKSHI-t, na zhvendoset edhe te një projekt tjetër që është Durana Park. Pra ku ka pasur fonde me inovacion, me teknologji, janë po të njëjtët protagonistë, po të njëjtët personazhe. Këtu duhet të mëshojë fort SPAK-u për ta zbardhur këtë skemë, e cila në një farë mënyrë është e zbardhur, por duhet provuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
