Ukraina është gati të nisë ofensivën e saj të shumëpritur për të rimarrë territoret e pushtuara nga Rusia, tha presidenti Vladimir Zelensky për Wall Street Journal. Ai nuk zbuloi datën e saktë, por tha se Kievi nuk mund të "presë më me muaj".
"Ne besojmë fuqishëm se do të jemi të suksesshëm. Nuk e di sa kohë do të duhet, të jem i sinqertë mund të shkojë në shumë mënyra dhe krejtësisht të ndryshme. Por do ia dalim dhe jemi gati”, u shpreh ai.
Presidenti pranoi se pajisjet ushtarake dhe armët e furnizuara Ukrainës nga mbështetësit e saj perëndimorë ende nuk janë të mjaftueshme. “Ne do të donim të kishim disa gjëra, por nuk mund të presim për muaj të tërë,” tha ai.
Zelensky gjithashtu theksoi nevojën për mbrojtje ajrore më të fortë dhe pohoi se sistemet Patriot të prodhuara nga SHBA janë praktikisht të vetmet në botë të afta për t'iu kundërvënë disa llojeve të raketave ruse.
Ai pretendoi se Ukrainës do t'i duheshin deri në 50 Patriot për të siguruar mbrojtje të mjaftueshme ajrore. Mungesa e një mbrojtjeje të tillë do të thotë "një numër i madh ushtarësh do të vdesin", gjatë ofensivës, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
