Banorët e Rrjollit kundër resortit të “Gener 2”/ Muçi: Qytetarëve po ju grabitet prona nga oligarkët (VIDEO)

Deputeti i Lëvizjes Bashkë Redi Muçi për protestën e banorëve të Rrjollit, kundër ndërtimit të resortit nga “Gener 2” në Velipojë, thotë se çështja është në gjykatë dhe ndërkohë punimet vijojnë.

Nga studio e “MCN Live” ai deklaroi se qytetarëve po ju grabitet prona nga ana e oligarkëve, të cilët bëjnë marrëveshje me pushtetin, në dëm të tyre.

Sipas tij, banorët thonë se ne nuk duan të bëhen pronarë me zor, por se duhet pritur vendimi i gjykatës.

Tek shqiptarët është krijuar ideja që SPAK mund ti zgjidhë gjërat, çështja e banorëve të Rrjollit është e hershme, kreu i KKTU Edi Rama dha një leje zhvillimi për “Gener 2”, ndërsa banorët thonë se është pronë e tyre. Banorët thonë se Bashkim Ulaj i ka ulur në tavolinë për të rënë në ujdi për marrëveshjen. Pronarët legjitim do shkojnë me çmimet e tregut për zhvillimin e pronës së tyre dhe nëse nuk bien në ujdi, nuk do zhvillohet prona. Përderisa nuk bie dakord me banorët, Ulaj thotë e kam më lehtë me KKTU. 

 

Tani në shkurt pritet vendimi i Gjykatës së Apelit. Ndërkohë që nuk është marrë vendimi nga gjykatat, aty punohet me fadroma. Ajo që kërkojnë banorët është zbatimi i ligjit. Ata thonë se ne nuk duam me zor të bëhemi pronarë. Le të dalë vendimi i gjykatës dhe nëse ne e kemi gabim, ne tërhiqemi. Kjo është padrejtësia që ju bëhet jo vetëm banorëve të këtij fshati, por shqiptarëve në 35 vjet. Çështja e pronës duhet zgjidhur, duhet ngritur një komision i posaçëm a ku di unë, që të zgjidhet kjo çështje një herë e mirë. 

 

Gjithmonë pronarëve të vegjël iu grabitet prona. Këtë problematikë e kemi hasur me banorët e bregdetit, me banorët e Thethit. Është një logjikë që nëse ti me këtë copë letër që as nuk e zhvillon dot pronën tënde, të ngelet vetëm të bashkëpunosh me këtë oligark. Biznesmeni merret me rregullat e shtetit, ndërsa oligarku merret vesh me pushtetin në dëm të qytetarëve. Banorët e ardhur aty, pakkush ishte në moshë të re.