Siria i kërkoi OKB-së të ndërmarrë veprime kundër SHBA-së lidhur me okupimin e saj të pjesëve të territorit sirian, si dhe nxjerrjen e paligjshme të burimeve natyrore në ato zona, raporton media shtetërore SANA.
Damasku gjithashtu kërkoi kompensim nga Uashingtoni për atë që e përshkroi si " plaçkitje " e gazit dhe naftës së vendit.
Në një artikull të dielën, SANA citoi një letër dërguar nga Ministria e Punëve të Jashtme dhe emigrantëve të Sirisë Sekretarit të Përgjithshëm të OKB-së Antonio Guterres, si dhe Shqipërisë, e cila mban presidencën e Këshillit të Sigurimit të OKB-së në shtator.
Në të, diplomatët sirianë i bënë thirrje organit ndërkombëtar që t'i japë fund shkeljeve të së drejtës ndërkombëtare dhe të Kartës së OKB-së nga ana e SHBA-së, e cila po vendos ilegalisht trupa në verilindje dhe juglindje të vendit.
Ministria pretendoi se përveç kësaj, Uashingtoni dhe grupet militante aleate janë gjithashtu fajtorë për grabitjen e pasurisë dhe burimeve strategjike të vendit . ”
Sipas vlerësimeve të cituara në letër, dëmi direkt dhe indirekt i shkaktuar sektorit të naftës dhe pasurisë minerale të Sirisë nga ushtria amerikane nga viti 2011 deri në vitin 2023 arrin në 115.2 miliardë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
